СЕ БАРА МИЛИЦА: Ова е нејзината ПОСЛЕДНА ПОРАКА, мајка и моли за помош!

Исчезната девојка Милица Тодоровиќ во Белград

Девојката Милица Тодоровиќ (16) од Белград исчезнала утрово околу четири часот по полноќ и оттогаш и се губи секоја трага.

Како што изјави за Курир рс мајката на исчезнатата малолетничка, таа пред еден час во полиција го пријавила исчезнувањето на ќерка си.

– Мојата агонија започна утрово кога станав и видов дека ја нема во креветот. Тогаш помислив дека таа оди на училиште, меѓутоа, дознав дека не отишла ни таму – вели загрижената мајка на тинејџерката и додава:

– Ги повикав сите нејзини пријатели и од сите добив ист одговор дека не знаат каде е. Загрижена сум и се молам на Бог да ја најдат.

Како што понатаму за Курир изјавила загрижената мајка, Милица е висока 170 сантиметри.

– Носеше црна гардероба. Немам поим каде отиде, со оглед на тоа што им се јавив на сите што ги познава и се дружи – вели во еден здив и додава:

– Она што ме загрижува е пораката што ми ја остави. Имено, таа на парче хартија напишала: „Те сакам мамо, прости ми!“. Тоа беше пораката што ме натера да се исплашам. Исто така, го најдов нејзиниот мобилен телефон во куќата, што значи дека не го земала со себе.

Како што кажа загрижената жена, нејзината ќерка никогаш претходно не направила вакво нешто.

-Ова е прв пат да ја снема и да ја нема. Се надевам дека е жива и ќе се врати дома.

Сите сме загрижени и само сакаме да ја видиме – рече таа и додаде дека секој што има каква било информација може да се обрати во најблиската полициска станица.