Исаура, Талат, Тончи и Марио направија незаборавно селфи (фото)

Преспав е македонска серија во режија на Игор Иванов Изи.

Серијата ја прикажува семејната приказна на браќата Бузалевски, кои отвораат пансион во преспанскиот регион, благодарение на средствата добиени од ЕУ фондови.

Пансионот „Преспав“ е метафора на реалните општествени случувања во Република Македонија во кои се прекршува балканскиот менталитет, од кој ликовите не можат да избегаат и желбата да се почитуваат и да се воспостават европските стандарди. Ваквата ситуација ги става ликовите во постојан конфликт и недоразбирање од кои произлегуваат комични ситуации во кои ќе можат да се препознаат и самите гледачи.

Секоја епизода имаше нова тема, нов проблем, нов конфликт, нова разрешница и многу доживувања и смеа. Во третата сезона се појави помошничката Исаура која стана голема љубов на рецепционерот Талат, но за брзо време таа си замина од пансионот со својот Лоренцо.Не им цветаа рози на Тончи и Марио во 4-тата сезона.