Изгледајте како милион долари – модни трикови што ќе ви помогнат да изгледате гламурозно

Тајната се крие во вашите плакари

Ќе ви преставиме неколку трикови со кои ќе ја искористите максимално вашата облека што веќе ја имате во плакарите. Потребно е само да комбинирате на вистинскиот начин, па поиграјте си со овие модни правила доколку имате намера вашиот стајлинг да делува луксузно и отмено.

Кројачот е најдобра инвестиција

Ако некое парче не ви стои добро, скокнете до најблискиот кројач. За некое парче да изгледа убаво, тоа пред се мора да ви стои совршено. Затоа не барајте изговори – најдете кројач и решете го проблемот.

Модните додатоци избирајте ги внимателно

Модното правило „помалку е повеќе“ се донесува токму за модните додатоци, без разлика дали се работи за чанта, накит или чевли.

Монохроматски комбинации

Монохроматските комбинации повторно се хит во светот и со нив ќе изгледате гламурозно. Доволно е само да ја изберете вашата омилена боја и да го износите овој тренд на најдобар можен начин.

Фармерките се основата

Кога е најдете пар фармерки што ви стојат совршено проблемот е решен. Сите останати парчиња не се толку важни. Добрите фармерки даваат впечаток на добро стилизирана дама, на која модата и е второ име.

Класиката е безвременска

Сите останати трендови доаѓаат и си заминуваат, но некои парчиња се вечни. Тука пред се мислиме на кожната јакна, црни салонки, здолниште со молив крој – тоа се парчиња во кои вреди да се инвестира.