Идентични близначки родија синови во ист ден во иста болница
Живеат на различни краеви во Америка но решија да се породат во ист ден и тоа во иста болница – запознајте ги еднојајчаните близначки кои во исто време останаа во блажена состојба и родија машки деца …
Сонот на близначките Џалин Ејприл Крафорд и Жанел Ан Леополдо им се оствари кога нешто повеќе од девет месеци докторите им кажаа дека се бремени и дека ќе родат машки деца. Џалин три дена откако дознала дека е во блажена состојба добила порака од нејзината сестра во која и таа и открила дека е бремена. „Тоа беше божјиот одговор на нашите молитви“ вели таа за „People“.
Жанел има полицистични јајници поради кои имала проблем со плодноста. Џалин пак имала два спонтана абортуса. И додека близначките се обидувале да останат бремени, минатата година животот го изгуби нивната сестра.
Но и покрај трагедиите што им се случиле, тие на крај успеаја да си го остварат сонот. Живеат на други краеви на Америка па одлучија да бидат заедно за време на бременоста за да нивните родители би можеле да бидат присутни на породувањето и на двете ќерки. Всушност одлучиле да ја проверат можноста дали постои опција да родат бебиња во ист ден. Откако докторите им кажале дека тоа е можно бидејќи бебињата се на еднаква гестациска возраст, Жанел си ги спакувала куферите и заедно со целото семејство дошла во Аризона кај нејзината сестра близначка шест недели пред терминот.
И така тие на 18 јуни заедно заминаа во болница. Џалин се породила наутро, а нејзината сестра неколку часа подоцна.
Џалин својот син го крст Брајсон Рајдер, а Жанел на детето му го даде името Џејс Алан. Тие сега имаат три месеци и веќе се најдобри пријатели, а Џалин која има четири деца вели дека сега семејството и е целосно
„Од сигурни извори знам дека и мојата мила сестра и нејзиниот сопруг сакаат да имаат четири деца па за нив очигледно се уште не е готово“, со насмевка вели таа.
