Игор Џамбазов откри која е неговата ПРВА ВИСТИНСКА ЉУБОВ: „Ме чека на небото“

Нема ден да не се зборува за нивната љубов. Откако обелоденија дека се во врска, медиумите се преполни со вести за нив, а публиката е жедна за новости.

Алпинистката Илина Арсова и актерот Игор Џамазов се најпопуларниот пар во моментов во Македонија. Што и да направат, каде и да отпатуваат нивниот чекор будно се следи.

Од самиот почеток тие ја информираа јавноста за нивната љубов и не престануваат да споделуваат фотографии на социјалните мрежи.

Разликата во годините воопшто не им пречи за тие да уживаат во својата љубов. Парот зрачи со љубов и среќа и секогаш добиваат комплименти и пораки со убави желби на социјалните мрежи.

Освен во љубовта тие уживаат и во заеднички патувања. Иако Игор кон крајот на 2019 година изјави дека во неговиот живот повеќе нема место за жените, по разводот со неговата поранешна сопруга Искра Канзурова, е чини дека нештата се промениле и Илина навлезе длабокот во неговото срце, па актерот сега зрачи со љубов.

Тој во естрадниот магази „Бекстејџ“ откри како се запознале со Илина.

„Се запознавме уште пред пет години, преку наши заеднички пријатели во Охрид. Го побарав од нив нејзиниот број и ѝ се јавив. Ѝ се претставив и ѝ кажав, сите сакаат да се запознаат со мене, а еве јас сакам да те запознаам тебе. Потоа се видовме, неколку дена се дружевме и јас променив локација.

По неколку месеци ми се случи првиот здравстен крах, бев во болница и добив неколку поддржувачки пораки од неа. Се немавме видено долго време, сè додека не почна карантинот. Се сретнавме во Дојран, а после тоа сè е историја“ – раскажа Џамбазов.

Игор вели дека неговата врска со Илина е сериозна, но не сакаат да избрзуваат со нагли одлуки.
Сериозноста на нивната љубов ја докажуваат и фотографиите на кои се гледа дека парот си ги запознал родителите.

Прво Игор ги запозна „дедо и баб“, а потоа Илина „свекорот“.

Постојано на социјалните мрежи споделуваат фотографии од своите уживања, на кои човек може само да им позавиди.

За потсетување, Игор Џамбазов беше во брак со Искра Џамбазова, сега Канзурова од 1992 до 2006 година. Таа денес има среќен и успешен брак од кој има две деца.

Џамбазов во една пригода во врска со бракот кој за жал не траеше многу долго ќе изјави дека не му недостига само таа како личност, туку и начинот на животот што го имале, пријателите, патувањата.

„Ми недостига заедничкиот живот, утринското кафе со некого, заспивањето со некого… Но, во следниот живот можеби ќе знам да се справам со жените, во овој не успеав како што треба” изјави Игор во една пригода за „Бекстејџ.“
Животот на Игор секогаш бил интересен за јавноста поради тоа што секогаш го следеа некакви скандали и бури. Но, сега актерот живее смирен и спокоен живот.

За него се пишуваа многу вистини и невистини и го поврзуваа со многу жени.

Деновиве групата „Нокаут“ објави нова песна насловена како „Шал“ во која се зборува за најголемата љубов на Игор Џамбазов.

Во песната се раскажува за една вистинска љубовна македонска приказна од бурниот живот на нашиот шоумен.

Реакциите по објавувањето на „Шал“ беа неверојатно. Џамбазов е текстописец на песната. Познато е дека тој ги прави едни од најдобрите песни во земјава, текстови кои допираат до срцето на публиката.

Токму таква е „Шал“, а Џамбазов откри на која жена ѝ е посветена.

„Песнава се случи во влезот до „милицијата“ во “Карпош“, близу “Драмски“ во Скопје. Сега во влезот не студи. Ставија парно. Посветена и е на Тања Кочишка. Мојата прва вистинска љубов која ме чека на небото…“, порача Игор со многу емоции.

Нокаут и Игор често настапуваат заедно низ Македонија, па сигурни сме дека оваа песна ќе стане хит кој ќе се пее на сите нивни концерти.