Реклама
Новости

Зошто само жените со затегнат стомак и блескава кожа можат да се РАЗГОЛУВААТ?! Никол има 63 години и не се согласува со тоа

Реклама

Никол има 63 години и е свесна дека времето е незапирливо и дека сé се менува, па не се срами да ја покажа својата бела коса и своето тело кое оди со нејзините години.

Фото: Инстаграм/ Никол Грифин

Таа вели дека многумина ја осудуваат и сметаат дека само жените со затегнат стомак и блескава кожа имаат право да бидат полуголи…

Легендарната холивудска актерка Розалинд Расел во една пригода има изјавено дека уживањето во животот е најдобрата козметика што една жена може да си ја дозволи. А колку има вистина во овие зборови со свој пример најдобро ни покажува манекенката Никол Грифин.

Никол има 63 години и веќе 10 години е познат светски фото-модел, а моментално е актуелна во кампањата за долна облека на познатата марка „Marks & Spencer“.

Маркетинг

Но како што самата вели, таа кога и да се соблече и го покаже своето тело, постојано добива критики од јавноста и многумина јавно ја осудуваат, не сфаќајќи како една постара жена може слободно го покажува своето тело како што тоа го прават помладите дами, со сите свои несовршености.

Фото: Инстаграм/ Никол Грифин

„Луѓето секогаш, во медиумите или на интернет, ќе ме критикуваат затоа што го покажувам стомакот или целулитот, ќе ме засрамат заради мојата побелена коса и брчки. Секогаш се истакнувам, покрај тоа што сум најстара јас сум и една поприлично раскошна дама, со нефарбана сребрена коса, пуничко, заоблено тело и чудна старечка енергија“, вели таа во една пригода.

Фото: Инстаграм/ Никол Грифин

Инаку Никол и во 2016 година предизвика големо внимание во јавноста кога се појави на страниците на „Sports Illustrated“.

Маркетинг
Фото: Инстаграм/ Никол Грифин

Таа е најстариот модел што некогаш се има појавено на страниците на овој познат магазин, а нејзината провокативна фотографија во костим за капење ќе влезе во аналите на модната индустрија.

Инаку, само неколку години претходно Никол ќе се најде во тешка ситуација. Нејзините близначки Табита и Ели тогаш требаа да тргнат на факултет, а таа одвај имаше пари да преживее од први до први. Покрај тоа се борела и со депресија, така што морала да преземе нешто за да се врати во живот. И тогаш, сосем случајно, во една продавница ќе и пристапи моден скаут и ќе ја пофали нејзината бела коса. Нејзе тогаш ќе и се запали сијаличката и ќе тргне во светот на модата и убавината. И пред да сфати што и се случува, таа веќе ќе се најде на насловните на магазините, и тоа во костим за капење, со најпознатите модели.

Фото: Инстаграм/ Никол Грифин

„Јас само личам на повеќето жени кои доаѓаат да купат градник во „Marks & Spencer“ изјави таа во врска со нејзината последна кампања и додаде дека е презадоволна и горда со она што го работи, посебно што ја има прилика на жените да им покаже дека убавината доаѓа во сите облици.

Фото: Инстаграм/ Никол Грифин

„Стареењето е привилегија и нема од што да се срамите. И мислам дека тоа посебно мораат да го знаат помладите жени. Сé се менува во животот, па така и нашето тело и тоа и тие на крај ќе го спознаат“ вели Никол и додава:

„И покрај негативните коментари, јас секогаш ќе чекорам напред“, заклучува оваа прекрасна дама.

Фото: Инстаграм/ Никол Грифин

Фото: Инстаграм/ Никол Грифин

Фото: Инстаграм/ Никол Грифин

Фото: Инстаграм/ Никол Грифин

Фото: Инстаграм/ Никол Грифин

Поврзано

Back to top button