Цеца е институција! Тврдам дека е тоа така, по вчерашниот концерт во Куманово ми се потврди оваа реченица.
Јас да бидам искрена првпат одам на концерт на Цеца. Песните и ги знам, старите од А до Ш. Не сум и била некој фан, но не ми пречела нејзината музика никогаш. Имам постара сестра, па паметам дека дома ни се моткаше и некое цеде од Цеца.
Откако е дел од членовите на жирито на „Ѕвездите на Гранд“, оваа жена се повеќе и повеќе ми се допаѓа и како караткер.
Па така, кога моето друштво одлучија да купиме карти и да одиме на Цеца, без размислување реков ДА! Си реков ќе се забавувам, зошто да не.
Пејачакат во хотелот пристигна некаде по 9 часот со бел бе-ем-ве џип. Цеца се појави на сцената во 23:00 часот , точно, без премногу перепетии излезе на сцената и драги мои два часа не престана да пее, се чиниш без здив! Ни вода не зема, ни пауза ни ништо. Се гледа дека договорот бил два часа концерт, а таа без отсапка, строго професионално го направи тоа. Враќање на бис, немаше, се заблагодари и си замина, бендот си ја спакува опремата и чао, до следното видување.
Цеца за почеток ја поздрави публиката со:
„Добро вече Македонијо, моја волјена Македонијо!“ (Добро вечер Македонијо, моја сакана Македонијо! – кажа Цеца,
Интересно беше што репертоарот и беше многи убаво искреиран. Почна со најстарите хитови, па одвреме-навреме ќе уфрлеше некоја нова песна, па повторно се враќаше на старите евергрини.
На сцената Цеца беше со два придружни вокала, една девојка и маж. Вкупно беа девет музичари на сцената. Меѓу нив се забележуваше таа синергија и пријателство што постои. После секоја испеана песна останатите членови од бендот имаа интерсен гест покажуваа со рацете кон гоелмата ѕвезда.
И навистина е голема, затоа што има неверојатно пристоен однос на сцената, допадлива е за публиката. Пее фантастично!
Концертот го отвори си стариот хит „Знам“, а потоа ја поздрави публиката и секако дека неизбежно беше да го спомене Мики Секуловски. Рече дека ѝ е криво што не победил.
ЦЕЦА растури на концертот во КУМАНОВО – Вечерта ја отвори со зборови за Мики Секуловски (ВИДЕО)
Цеца беше облечена во долг светкав фустан со огромен шлиц и деколте. Долга пуштена коса. Останатите членови од бендот беа во црно.
Публиката беше псотојано многу расположена, во хор ги пееја песните. Измешани генерации од малолетни лица до повозрасни господа и дами кои ја следат кариерата на српската легенда! Луѓето беа дотерани, девојките во убави летни комбинации, а господата во кошули. Се забележуваше дека цело Куманово е во локалот, но и жители од цела Македонија беа псрисутни.
Амбиентот е многу убав, бината е поставена меѓу зеленило и дрвја, пирка ветерче има простор за играње и да стоиш како човек, без бутканици и да ти дише некој во врат. Меѓу целата убавина од нигде ниакде на концертот се појави и едно куче кое прошета меѓу публиката. Се смеевме со пријателите дека е петс френдли концерт, и дека за животните имало попуст за картата. Кучето ги расположи сите околку нас, и замина. за жал немам фотографија од овој момент.
Вечерта ескалираше со многу пеење, зарипнати гласови и девојки на ушка од свооте партнери.
Погледнете на видеата дел од атмосферата.
