Ново поскапување на цигарите во Македонија
Од минатата недела, во продавниците и супермаркетите од поголем број брендови цигарите во Македонија се продаваат за околу 5 денари поскапо.
Согласно планот за зголемување на акцизите за цигарите, за неколку години се очекува кутија цигари да чини околу 300 денари, пренесува порталот Курир. Имено од 1 јули 2016 до 1 јули 2023 година, акцизната стапка за цигарите ќе се зголемува за 0.20 денари за цигара секоја година.
Сепак, во земјава покачувањето на акцизата не се врзува секогаш за поскапувањето на цигарите во малопродажба. Некои производители веднаш ги покачуваат цените, а некои се одлучуваат да ја компензираат акцизата.
Други производители, пак, ги поскапуваат цигарите уште пред да биде покачена акцизата.
