Лоши вести за жените доаѓаат од Австрија.
Една студија спроведена на Универзитетот во Виена покажа очигледно забрзана појава на брчките на лицето кај жените во 50-тите години, просечната возраст во која се јавува менопауза, пишува The Sun. Особено, на жените во тие години, очите почнуваат да им изгледаат помали, носот и ушите се продолжени, а лицето станува многу изменето поради намалувањето на процентот на масти на кожата.
Се смета дека главната причина за ова е губењето на естроген, хормонот кој влијае на производството на колаген, што е клучно за еклектичноста на кожата. Колагенот во кожата во текот на првите пет години на менопауза е намален за околу 30 проценти. Научниците, исто така, веруваат дека коските се реапсорбираат, така што јаболкиците стануваат помалку изразени и брадата е намалена.
Една студија објавена во Journal of the American Journal of Physical Anthropology открила дека процесот на стареење е сличен на мажите и жените, но различно е брзината со која се изведува и е повисока кај жените. Пред 50-годишна возраст, стареењето на женското лице е двојно побрзо од машкото, додека овој процес кај жените на возраст од 50 до 60 години станува тројно побрз.
Истражувачите ги анализираа лицата на 88 мажи и жени и ги споредија со различни возрасни групи. “За разлика од мажите, процесот на стареење кај жените се забрзува во 50-тите години”, рече Соња Винџагер, шеф на истражувањето, додавајќи дека оваа возраст може да варира околу десет години нагоре и надолу, во зависност од тоа кога една жена влезе во менопаузата.
