„Еликсир на бесмртноста” откриен во древна кинеска гробница
Во две илјади години стар бронзен сад, пронајдн е пијалак кој, наводно, ветува вечен живот.
Пијалокот бил скриен во античка гробница во провинцијата Хенан во централна Кина.
За време на ископувањата во октомври минатата година, околу 3.5 литри “еликсир на бесмртноста” беа пронајдени во гробот во градот Луојанг. На почетокот се мислеше дека течноста е силен алкохолен пијалок, бидејќи мирисаше на алкохол.
Сепак, оваа недела беше објавено дека лабораториските тестови откриле дека мистериозната течност главно се состои од калиум нитрат и алунит, кои се главните состојки на бесмртниот пијалок.
Кинески опсесија со пијалоци
Магичниот еликсир беше пронајден во гробот на благородното семејство од кинеската династија Хан, која датира од 202 година п.н.е. до 8-тата година од нашата ера. Бидејќи го оставиле на местото на последното почивалиште, членовите на семејството очигледно го ценеле еликсирот.
Пијалоците кои ветуваа бесмртност беа опсесија во древната кинеска историја. Најпознат пример е судискиот волшебник Ксу Фуа, кој бараше еликсир за време на династијата Чин. Но, ова е прв пат да се открие примерок од таква течност.
„Ова е прв пат да се најдат митските лекови за бесмртност во Кина. Течноста ќе има значајна вредност во понатамошното проучување на древните кинески мисли за постигнување на бесмртноста и еволуцијата на кинеската цивилизација “, објасни Ши Џаџен, шеф на Институтот за културни реликвии и археологија од универзитетот во Лојанг.
