Елизабета е вистински пример за дама- уште еднаш оддржа лекција за елеганција, а откри и како се запознале со Пендаровски

Веќе одамна е јасно дека каде и да се појави првата дама ги собира сите погледи.

Елизабета Ѓорѓиевска сака стилизирани и минималистички изгледи, а во една прилика откри дека црната и е омилена боја.

Таа често се појавува на различни настани, а овојпат на Интернационалниот ден на жени во науката Елизабета говореше за мотивирање на девојки во науката.

-Со заеднички ангажман од државата, академската и бизнис-заедницата, да ја мотивираме следната генерација на девојки активно да се вклучат во науката и да го дадат најдоброто од себе за економскиот и технолошкиот развој на општеството.

Преку промовирање на успешните приказни, заеднички да ги поттикнуваме младите истражувачки-напиша Елизабета на Инстаграм.

Облечена во елегантна бела кошула, бела марама на вратот и црно здолниште до под коленици Елизабета со едноставен и минималистички стајлинг едноставно плени.

Секако тука беше совршено стилизирана фризура и дискретна шминка која придонесе за целосниот изгледа да биде комплетен и незаборавен.

Не е ни чудно што нашата прва дама често е споредувана со Кејт Мидлтон и кралицата Летиција кои важат за елегантни и едни од најубаво облечени дами во светот.

Инаку Елизабета по професија е стоматолог, а со претседателот Стево веќе е во брак повеќе од 23 години.

Елизабета во едно интервју за „Репортер“ откри дека со Стево се запознале во едно скопско кафуле преку заеднички пријател, додека таа поминувала низ тежок период, односно нејзината сестра по-чинала, па тој и бил голема поддршка.

– Долго време се дружевме бевме пријатели, а потоа решивме да излегуваме. Бевме во врска три години пред да стапиме во брак, но веќе на вториот состанок ми рече „што се однесува до мене може утре да се земеме“- рече Елизабета.

Направиле мала свадба на Пантелемон со 50 гости,најблиските, без музика, нешто како вечера, а таа не нослеа ни венчаница.

Таа нагласи дека откако Стево станал претседател не се сменила, а посебно на работното место продолжила да работи како и претходно.

Работи секој ден и прима пациенти, а откри дека заедно со претседателот се обидуваат колку може помалку да користат обезбедување.

-Едноставно ние сме како сите обични луѓе и нема потреба да се прави бука околу нашето присуство или појавување-рече тогаш Елизабета.