Еве кој светец се слави денес и што би требало да испочитуваме ако сакаме мир и благосостојба
Македонската православна црква и верници утре (среда) на 04.09.2024 година ги слават Светите маченици Агатоник, Зотик и другите со нив.
Во 304 година Свети Агатоник бил казнет со отсекување на главата, бидејќи ја проповедал христијанската вера.
Им проповедал на Грците, кои тогаш повеќето биле пагани.
ФОТО: МПЦ
До денес се прераскажува приказната за тоа дека во христијанска вера вовел цел еден град – денешно Желино.
Свети Агатоник бил никомидиски граѓанин, по вера христијанин. На заповед од царот Максимијан, царскиот намесник жестоко ги гонел христијаните.
ФОТО: Pixabay
При тоа гонење, во некое место Карпин, тој го фатил свети Зотик, ги распнал на крст неговите ученици, а самиот Зотик го довел во Никомидија, каде што ги фатил и ги врзал уште и Агатоник, Принкипс, Теопрепиј, Акиндин, Северијан, Зенон и многу други.
Сите цврсто врзани ги однел во Византија, но патем од рани и изнемоштеност починале Светите Зотик, Теопрепиј и Акиндин. Во близината на Халкидон убиен бил Северијан, а Агатоник и останатите биле одведени во Тракија, во местото Силиврија, каде после мачења биле убиени со меч и блегле во радоста на својот Господ.
ФОТО: Pixabay
Многу христијани од регионот свети Агатоник го слават како домашна слава.
Според народните верувања се смета дека на овој ден е убаво да се тргува бидејќи тоа носи напредок во домот, па некогаш луѓето купувале големи работи токму на овој ден.
Овој ден е добар за средби и обнова на пријателства за во мир и благосостојба да се влезе во зимата.
