Еве како ќе изгледа воведната шпица на легендарната телевизиска серија „Беверли Хилс“

Планирани се шест епизоди, но доколку има интерес ќе се снимаат и други…

Благодарение на римејкот на култната серија Беверли Хилс 90210 која ќе се емитува на Телевизија Фокс, публиката и посебно помладата генерација ќе има прилика да се запознае со серијата која во 90-тите беше планетарно популарна и се емитуваше цели десет години.

Од оригиналната постава недостасува само Лук Пери, кој во март почина од мозочен удар. Поради тоа актерите најавуваат дека ќе му биде посветена една цела епизода.

„Немав намера да глумам во оваа серија, но откако Лук не напушти, ги погледнав работите од друга перспектива. Ова го правам во негова чест“, изјави симпатичната актерка Шанон Доерти која серијата ја напушти по првите три сезони. За неа тогаш се зборуваше во медиумите дека е тешка и проблематична соработничка. Но и покрај големата слава што и ја донесе Беверли Хилс, 48 годишната актерка немаше голема среќа во понатамошната кариера.

На Јутјуб се појави и нова воведна шпица што ја разбудува носталгијата кај обожавателите на култната серија. Речиси се’ е исто, само актерите се постари.