Еве како изгледал Ферус во младоста, со коса и без брада, и кој му е НАЈГОЛЕМИОТ бакшиш што го добил за една вечер
Ваков не сте можеле ни да го замислите кралот Ферус
Ферус Мустафов, кралот на саксофоните, многумина не паметат како изгледал на почетокот од кариерата.
Многумина во вакво издание не би ги ни препознале, иако Ферус и тогаш има брада која со годините ќе стане неговиот заштитен знак. Што се однесува до неговиот имиџ, тој речиси и да е непроменет, а придавката кралот ја добил кога во Лондон го снимил првото ЦД со чочеци. Прекарот ќе му го дадат колегите Англичани со кои соработувал тогаш, кои први ќе го наречат Ферус Кралот.
Инаку, Ферус знае да свири 13 инструменти, а прв инструмент не му е саксофонот, туку виолината. Роден е во Штип, каде учел музичко училиште, а татко му е првиот во Македонија кој саксофонот го внесува во народната музика.
Како што самиот вели во една пригода, штипскиот чочек е дело на неговиот татко, а тој од него ќе го засака саксофонот и ќе продолжи по неговите стапки.
Што се однесува до заработувачката од музиката, тој во едно негово интервју за порталот „Точка“ откри дека најголемиот бакшиш што некогаш го заработил во животот бил на еден настан во Франција, каде настапувала цела српска естрада, кога заработил 180.000 евра за само една вечер.
Инаку, кралот Ферус неодамна се осврна и на состојбата во која се наоѓаат музичарите заради ситуацијата со вирусот корона, па во интервју за порталот ММС тој изјави дека е крајно разочаран од ваквата ситуација и дека малку фали да донесе одлука да се исели од државата ако продолжи вака.
„Не знам зошто не дозволат да свириме? Не е убаво да одобрат да работат угостителските објекти, а музиката не. Па не сме ние 10 души музичари па лесно да е, не има многу што живееме само од музика и за нас ова е погубно. Светот сум го прошетал со концерти и турнеи. Сум настапувал на многу светски фестивали и со гордост сум ја преставувал Македонија. А гледај како сега таа ми враќа“, изјави Ферус пред неколку месеци во интервјуто за споменатиот портал.
