Еве зошто Британците ја критикуваат Меган Маркл, но не и војвотката од Кембриџ

Кејт Мидлтон повторно ги воодушеви сите со својот моден избор

Војвотката од Кембриџ заедно со својот сопруг принцот Вилијам присуствуваше на крстењето на еден брод на компанијата „ Cammell Laird “ во Биркенхед каде повторно предизвика овации на тамошното локално население. Но овој пат таа предизвика и воодушевување кај вљубеничките во модата поради нејзиниот мудар избор.

Имено, убавата војвотка британската јавност повторно ја импресионираше со својата штедливост. Таа за оваа посета го носеше елегантниот небесно син капут од Александер Меквин кој иако е поприлично скап, досега го има носено во јавност минимум три пати, за разлика од Меган Маркл, која многу ретко ја гледаме во „рециклирани“ парчиња.

За разлика од Меган која британската јавност ја разбесни со своето неконтролирано трошење државни пари на облека и приватни авионски билети, Кејт се обидува истата облека да ја носи повеќе пати, а некои парчиња во своите плакари ги чува и по десет па и повеќе години (сетете се само на нејзините кафеави чизми за кои сме сигурни дека наскоро повторно ќе ги видиме во некое брилијантно издание).

Истиот капут со потписот на познатиот дизајнерски бренд „Александер Меквин“, Кејт прв пат го носеше во 2014 година за време на посетата на Нов Зеланд, а во него беше видена и на прославата на Денот Д како и а прославата на 75-роденден на кадетите на Кралските воздушни сили.