Еве за колку ќе поскапи парното – Предновогодишна честитка од Бислимовски

Долго време се најавуваше дека граѓаните кои се греат на парно пред Нова година ќе добијат подебели сметки за греење и конечно денеска стана јасно колкаво ќе биде зголемувањето на цената.

Првиот човек на Регулаторната комисија за енергетика, Марко Бислимовски во вестите на ТВ Сител изјави дека парното нема да поскапи повеќе од 5 отсто од 1. ноември.

Фото: Сител

Бислимовски објасни дека зголемувањето на цената на парното греење би се движело до максимум од 50 до 60 денари на месечно ниво што според него не би требало да преставува проблем за скопјани.

Еве што изјави Бислимовски за ТВ Сител:

– Кога зборуваме за немање ценовни шокови знаете дека имаме висока инфлација, зголемени се материјалите за работа на сите компании, дополнително има и усогласувања во однос на минималната плата, така што јас не верувам дека ќе имаме зголемување поголемо од 5% коешто нема да претставува проблем за граѓаните во градот Скопје.

фото пекселс

Сега во овој момент тоа е најевтин начин на греење така што за еден просечен стан ако би имало зголемување тоа би се движело до максимум на месечно ниво за 50-60 денари што сметам дека не претставува проблем, изјави Бислимовски за Сител.