Еве во што е тајната на успешниот брак на Евгенија со проф. др. Вело Марковски – двете дечиња се нивното најголемо богатство!

Поранешната манекенка Евгенија Марковска, искрено за бракот со познатиот инфектолог Вело Марковски.

Иако доста млада таа важи за посветена сопруга и мајка.

Брачната двојка уште од почетокот на нивната врска е топ тема, а најголема причина за тоа е разликата во годините, која за среќа се чини дека не претставува никаква пречка за нив.

Таа и денес е поприлично активна на социјалните мрежи, а од нејзините фотографии можеме да видиме дека ужива во мајчинството, но и дека сè уште изгледа како во најдобрите денови, и покрај тоа што е мајка на две деца.

Евгенија откри дека на почетокот од врската не верувала дека ќе заврши со брак, откри таа во интервју за „Женски магазин“.

Нивната врска започнала во 2014 година, а во 2017 година го добија првиот син и стапија во брак.

Евгенија во интервјуто откри дека уште од почетокот на нивната врска имало недолични коментари, а често го добивале и прашањето дали сте сигурни дека ќе успеете заради разликата во годините“, но вели дека и е мило што едноставно се обиделе и успеале.

-Да, недолични коментари имаше уште од почетокот кога се дозна за нашиот брак и сè уште има. Не ме повредува никој од тие коментари затоа што никогаш не ми било важно што ќе кажат другите. Мислам дека не е во ред да навредуваш некој што не го познаваш само затоа што мислиш дека не се вклопува во она што сите го прават.

Евгенија откри дека Вело и помага во домашните обврски, сака да ги заспива децата и да поминува времето со нив, но и одлично се снаоѓа во кујна.

Двајцата се пример дека љубовта нема граници и доколку постои љубов и почит годините воопшто не се пречка.

Евгенија неодамна објави фотографии од своите деца и напиша дека тие и се најдобри другари.

Таа објави фотографии додека ги прегрнува своите деца, а фотографиите им ги затоплија срцата на нејзините фанови.

Нивната ќеркичка на почетокот на годинава наполни една година, па и покрај тоа, Евгенија брзо се врати во форма и изгледа неверојатно.