Дуковски: Боки 13 е болен, нон-стоп повраќа, дајте му да оди во болница

Секој втор ден Бојан Јовановски се носи на Клиниката за торакална хирургија, има две неуспешни операции, кои во условите во притвор му предизвикуваат огромни проблеми.

Мојата состојба е животно загрозувачка, повраќам константно, затворскиот лекар има желба да ми помогне, но не може.Имам органски проблем, но сум во добра психичка состојба, изјави денеска Бојан Јовановски – Боки 13 на јавна седница во Апелациониот суд Скопје и побара укинување на мерката притвор и замена најмалку со куќен притвор.

Боки 13 е во притвор од 15 јули и притворот му беше продолжен поради опасност од бегство, влијание врз сведоци, прикривање на докази, повторување на кривичните дела и поради вештачењата кои не се завршени.