Фолк пејачката Индира Радиќ денеска може да се пофали со богата и долга кариера со многу хитови.
Се тоа не би било така ако во далечната 1996 година во критичниот период не и помогнал Саша Поповиќ, директорот на „Гранд“ продукција.
Имено, Индира на почетокот на кариерата издаде неколку албуми со „Јужен ветер“, а потоа и еден албум во 1995 година за “PGP RTS”, со кого се издвои и хитот “Srpkinja je mene majka rodila”.
Меѓутоа, Индира по големиот успех на споменатата песна останала без пари. Не знаела што ниту каде, па за помош се обратила кај Саша Поповиќ.
– Индира прв пат ја запознав на една турнеја во Швајцарија, а првата соработка ја остварив со неа во 1996 година.
Дојде во продукција, онака во патики, фармерки и ми рече: Дали можете вие нешто да ми направите, јас пари немам, ако може нешто да се направи, направете, ако не, добра ноќ и довидување.
Јас и реков дека ќе и направам албум и да се јавиш на први септември, раскажа Саша Поповиќ во емисијата Вечер со Индира Радиќ на Гранд.
Индира во соработката со Саша снимила албум каде се најде и хитот „Круг“, а потоа продолжила да реди успеси се до денес.
Работи кои не ги знаеме за пејачка Индира Радиќ, но таа открива за публиката за своите почетоци на кариера, и раскажа како било кога за прв пат дошла во Србија.
-Најмногу заради мајка ми, која не сакаше да станам пејачка, се запишав во медицинско училиште.
И далечината беше проблем за мене. Најблиското музичко училиште беше во Бања Лука, но тој град е оддалечен речиси шеесет километри од родниот Драгаловац.
Од друга страна беше Добој, кој е речиси половина поблизу, но имаше само медицинско училиште.
Одбрав да патувам секој ден, но да спијам дома. Имам убави спомени за работата во болницата во Загреб”, вели за РТВБН.
-Колегите многу ме сакаа заради мојата непосредност. Но, не ја занемарував и музиката, постојано им пеев и на пациентите и на колегите.
Останав во контакт со некои од нив и до денес”, додава таа. Но, бидејќи нејзината најголема љубов било пеењето, решила да замине во Белград, а медицината да остане дел од минатото.
-Добро го запознав Белград дури по долг престој во него. Денес, Белград и Србија се моја татковина.
Бидејќи сум патник, уметник, секогаш чекам кога ќе слетам во моето пристаниште во Белград, каде што ме чекаат моите најблиски. Тука сум најмирна.
На почетокот беше многу тешко! Дојдов од мало место, зборував на дијалект, не знаев никого.
Ми требаа цели три години да се навикнам и да започнам со музичка кариера”, вели пејачката Индира Радиќ
