Денеска е Св. Григориј Ниски: Голем беседник, толкувач на Светото Писмо и богослов
Денеска е Св. Григориј Ниски: Голем беседник, толкувач на Светото Писмо и богослов.Брат на светиот Василиј Велики.
Најпрво беше презвитер, зашто беше оженет, а кога кога замина од овој свет жена му, блажената Теозва, го избраа и го посветија за епископ во Ниса. Се одликуваше со огромна светска ученост и духовен опит.
Учествуваше на Вториот Вселенски Собор. Се мисли дека тој го составил вториот дел од Символот на Верата. Голем беседник, толкувач на Светото Писмо и богослов. Заради поразот што го претрпеа од него, аријанците се имаа особено настрвено против него како кон страшен противник, па во времето на царот Валент, нивниот едномисленик, успеаја да го симнат од епископската столица и најнакрај да го протераат во прогонство.
Во прогонство помина осум години трпејќи секакви беди и понижувања. Најпосле се упокои во длабока старост на крајот од 4 век и се пресели во Царството Божјо, останувајќи големо светило на Црквата низ вековите.
Свети Григориј живеел во четвртиот век. На свои 40 години станал епископ на градот Ниса. Тој е еден од тројцата големи кападокијци, заедно со постариот брат Василиј и со свети Григориј Богослов. Бил голем и плоден писател, философ и богослов. Блажено се упокоил во 394 година.
