Девојка што настапи во „Суперталент“ заврши во болница – поради негативните коментари се чувствува многу лошо
Младата натпреварувачка по емисијата коментарите на социјалните мрежи толку ја погодија што заврши во болница.
Памела Миџиќ од Осиек се чувствува лошо и заврши на инфузии во болница, пишува „Далматински портал“. Младата натпреварувачка по својот настап во хрватскиот „Суперталент“ беше потполно разочарана од коментарите и реакциите што ги доби на социјалните мрежи, но и покрај лошата состојба успеа да им одговори на неколку прашања на новинарите.
„Не сум воодушевена од својот настап, можев и подобро, но кога човек ќе застане пред онолку луѓе и жири кое е стручно, тогаш ќе се исплаши па настапот нема да биде како што го замислувал“, изјави Памела и додаде дека своите вокални способности би ги оценила со тројка.
Нејзините родители ја поддржуваат и веруваат дека еден ден би можела да биде подобра, и дека не треба да се грижи поради коментарите на хејтерите, туку само да оди напред кон остварување на своите цели.
И покрај тоа што не доби преодни оценки, таа изјави дека повторно ќе се пријави за овој натпревар и дека нема да се откаже од намерата еден ден да стана пејачка.
„Не се откажувам бидејќи обожавам да пеам, го сакам тоа и не планирам да ги кревам рацете од она што го сакам, тоа е исто како и во љубовта, не се откажуваш од оној што го сакаш, а музиката и пеењето се моите две најголеми љубови во животот“ изјави за медиумите Памела.
Да потсетиме, Памела во „Суперталент“ доби четири непреодни оценки од стручното жири. Таа е од Осиек, а живее во Сплит. Со нејзината сестра Патриција во 2017 настапи на аудицијата за хрватското шоу „Ѕвезди“, но нивниот настап не го воодушеви жирито и тогаш. Таа во 2018 снимаше и песна „Недостајеш“ која можете да ја слушнете во продолжение, а нејзиниот спот има преку 300.000 прегледи.
