Деветгодишно дете заразено од коронавирус, било во контакт со 172 лица и не ја пренело болеста, како е возможно?

Деветгодишно дете кое се заразило од коронавирус не го пренело вирусот на ниту едно лице со кое било во контакт, а билo во контакт дури со 170 лица, покажува истражувањето кое проучуваше дали децата можат да го шират вирусот.

Детето било меѓу луѓе кои се заразени во кругот на претприемачот Стив Волш, кој пак се заразил во текот на состанок во Сингапур. После тоа уште десетина Британци кои биле на скијање во францускиот ресорт Контамине-Мотнжое се заразиле, по што одлетале за Лондон.

Повеќето гости во францускиот ски центар се заразени, но истрагата на француските здравствени власти покажа дека деветгодишното дете кое добило вирус никому не му ја пренело заразата, иако бил во контакт со најмалку 172 лица.

Детето покажувало респираторни симптоми, како и неговите родители, но кај нив не е потврдена заразата.

Пренел настинка и грип, но не и корона

Истражувањето открило дека детето било позитивно на коронавирус, но и грип и настнка. Своите браќа ги заразил со груп, но не и со коронавирус, пишува Гардијан.

„Детето, кое имало и симптоми на други респираторни болести, одел на три школи за скијање, но не учествувал во трансмисијата на вирусот. Се чини дека тоа сведочи за потенцијалната динамика на ширење меѓу децата“, рече францускиот епидемиолог Костас Данис.

Детето имало само благи симптоми и кога е тестирано, откриени му се само траги од вирусот, за што научниците сметаат дека тоа е одговор на прашањето зошто не го пренесувал вирусот на сите свои контакти, или барем на неколку од нив. Се верува дека имунолошкиот систем кај децата е посилен отколку кај возрасните па можат полесно да се ослободат од вирусот.