Дали Анџелина Џоли реши да го копира стилот на Меган Маркл?

Велат дела жената во своите плакари треба да има барем еден мал црн фустан, кој може да го носи во секоја пригода.

Тоа многу добро го знае и холивудската актерка Анџелина Џоли која многу често „фура“ црни модни комбинации кога се гламурозни пригоди во прашање, а фустаните што ги носи се со најразлични кроеви.

Па така Анџелина на „Дисни23 Експо“ во Калифорнија се појави во преубав коктел црн фустан со проѕирни делови на ракавите, во горниот дел и на здолништето, а многу модни критичари ова издание на холивудската актерка го споредија со изгледот на војвотката од Сасекс, Меган Маркл.

Во прашање е фустан од Версаче во кој поранешната сопруга на Бред Пит изгледаше како Меган Маркл на лондонската премиера на „Кралот на Лавовите“.

Иако моделот на Меган беше поширок, деколтето и долгите проѕирни ракави на фустанот на Џоли ја ставија во категоријата „веќе видено“.