Грк убиен од албанската полиција – Грците бараат крвна одмазда! – ситуацијата помеѓу двете земји крајно напната!
Односите меѓу двете држави крајно напнати
Албанската полиција соопшти дека еден маж загинал за време на оружен судир со полицијата на собир по повод одбележување на годишнина од влегувањето на Грција во Втората светска војна против Италија.
Според албанските медиуми убиен е Константинос Кацифас (35) кој пукал од калашников на албанските полицајци што дошле да го тргнат знамето.
Инцидентот се случил во селото Буларат кое се наоѓа во Албанија, во близина на границата со Грција, а во кое повеќето се Грци. Инцидентот се случил додека населението ја одбележувало годишнината од влегувањето на Грција во втората светска војна, 28 октомври 1940 година, пренесува Катимерини.
Албанските портали објавија дека пријателите на Касиф на Фејсбук дале заклетва дека ќе бараат крвна одмазда.
Според грчкото Министерство за надворешни работи неприфатливо е операцијата да резултирала со губење на човечки живот додека албанското министерство за надворешни работи се огласи со соопштение во кое жалат поради тоа што целиот случај е злоупотребен за политички цели.
Како што пренесуваат албанските медиуми, 35-годишниот Кацифас бил член на Златна Зора. Пред албанската амбасада во Атина поради убиството на Гркот вчера протестираа членовите на крајната десничарска партија „Златна зора“ поради што и улицата била затворена.
Кацифас е роден и пораснал во Буларт, село кое е шест километри оддалечено од границата со Грција, а од неодамна живеел во Атина.
