Граѓаните во паника: Во Русија се појави отровен зелен снег

Отровен снег во зелена боја е снимен во Русија, а оваа глетка предизвика масовни протести против загадувањето.

Фотографиите од отровниот снег доаѓаат од градот Первоураљск, а се верува дека за оваа појава се одговорни отровите од фабриките за хром.

Како што пренесуваат медиумите, отпадните води се отпуштени откако дошло до запушување на цистерните. Пред една година, мештаните исто така пријавиле шарен снег и шарен дожд, кои биле поврзани со работата на фабриката.

Инаку, минатата недела во Кемерово поради еколошка катастрофа паѓаше црн снег.