Голем скандал – пејач од Велес ја обвини продукцијата во „Ѕвездите на Гранд“: „Ми бараа 20.000 евра!“
„Тоа што Господ ми го дал, Господ може и да ми го земе“
И Вики барала пари од своите кандидати!?
Младиот пејач од Македонија, Александар Темелков, кој пред неколку години се натпреваруваше во „Ѕвездите на Гранд“, сега во емисијата „Ти реков ми рече“, ја обвини продукцијата дека му барале мито за да помине во следниот круг. Како што откри тој во емисијата, наводно продукцијата преку своите ментори брале пари, а конкретно во неговиот случај побарале 20,000 евра.
„Неправдата ја доживеав во ‘Ѕвездите на Гранд’. Морав тоа да го кажам бидејќи во минатото мое гостување во една емисија кажав од околу што се случи во петтиот круг во ‘Ѕвездите на Гранд’ кога решив самоволно да ја напуштам сцената. Еве сега ќе го кажам тоа, значи причината за моето напуштање беше тоа што некултурно и воопшто невкусно ме извадија без ниту еден глас, а пред тоа ми побараа 20.000 евра ако сакам да продолжам понатаму“, обвини Темелков во емисијата.
Принтскрин/ Јутјуб, Ти реков ми рече
„Кога ми беше понудено, јас уште од самиот старт тоа го одбив“, вели Александар, а на прашањето од водителот Давид Давидовски кој конкретно му побарал пари, тој вели:
„Индиректно тоа менторите го бараат, фактички тоа најверојатно го бара продукцијата. Јас реков, тоа што Господ ми го дал, Господ може и да ми го земе, без разлика дали јас ќе продолжам понатаму во натпреварот. Мене пред се тоа ми беше многу, фактички потценувачки, јас да платам за да продолжам понатаму“, обвини младиот пејач од Велес.
Принтскрин/ Ѕвездите на Гранд
„Мито и корупција јас да дадам за да продолжам понатаму“ вели младиот велешанец изнесувајќи обвинувања на сметка на продукцијата.
Принтскрин/ Ѕвездите на Гранд
Потсетуваме, Александар неколку сезони се натпреваруваше во споменатото шоу, а ќе остане запаметен по неговото демонстративно напуштање, што го направи во оној момент кога сфати дека жири комисијата неправедно го остави без гласови.
Тогаш потегот на Александар наиде на поддршка во јавноста, на која тој за брзо време и возврати со своите песни со кои сака да ја збогати македонската народна музика.
