Големо чудо во Турција – по цели 28 дена од СТРАШНИОТ ЗЕМЈОТРЕС спасителите спасија доберманка со три кученца (видео)
По неколку часови макотрпна работа, Мејако, регионалниот тим за спасување животни, успеаја да ја спасат Сила
Сила е кучка која остана заробена во еден подрум по земјотресот што предизвика страшни последици во Турција.
Сопственикот на Сила, две и пол годишна доберманка, покрај воодушевувањето бил и изненаден кога видел дека од рушевините на зградата, во која таа остана заробена по страшниот земјотрес, излегуваат не едно, туку четири кучиња, и тоа по 28 дена од земјотресот што го зафати овој регион.
Кадир Кејифли побара од локалните спасители да помогнат да го спаси своето куче од рушевините во турската покраина Хатај.
Во спасувањето му помогна Мајако, регионалниот тим за спасување на животни. Тие заедно по неколку часови макотрпна работа успеаја да дојат до подрумот каде Сила беше заробена речиси месец дена.
Но таа не само што преживеала толку време во подрумот, туку успеала и да се окучи и да роди три мали кученца.
„Што пиеше тука? Што јадеше? Твои ли се овие три?“ се прашува еден од спасителите во видеото.
Како што откри Кејифли подоцна Сила преживеала благодарение на една голема вреќа со храна за кучиња што останала во подрумот.
Спасителите велат дека е ослабната, но може сама да се движи, но и покрај тоа беше однесена во Адана на лечење.
Потресите што ги погодија Турција и Сирија минатиот месец однесоа речиси 52 илјади животи.
