Во нападите на Шри Ланка загинаа три деца на данскиот милијардер

Портпаролката на семејството потврди за Би-Би-Си дека три деца на Андерс Холч Повлсен, познат дански милијардер, загинаа во нападите на Шри Ланка. Тие беа заедно со нивната мајка во Шри Ланка на Велигденските празници.

Нивните имиња и возраст не се објавени.

Повелсон го наследил данскиот трговски ланец „Bestseller“ проценет на околу 4,5 милијарди фунти.

Тој исто така e и најголемиот акционер во познатата онлајн продавница ASOS и вториот најголем акционер во германската онлајн продавница Zalando.

https://www.instagram.com/p/BwXEi0yDpd1/?utm_source=ig_embed

46-годишниот Повлсен со шест години помладата сопруга има четири деца – Алма, Астрид, Агнес и Алфред. Алма неколку дена претходно на Инстаграм објави фотографија од двете сестри и од братот во Шри Ланка.

Според последните информации 290 лица загинаа, а над 500 беа ранети во нападите.