Во Грција поставени првите лежалки со заштита, дали сончање покрај плексиглас е идината на летувањето?
На Санторини, едно од најубавите и најексклизивните грчки острови преземени се првите мерки за обезбедување летување во текот на пандемијата со коронавирус. Имено, таму се поставени првите лежалки со заштитен плексиглас од двете страни.
Секретаријатот за цивилна заштита на Грција пред три дена одлучи од сабота 16 мај, да се отворат 515-те организирани плажи во земјата, а врз основа на метеоролошките предвидувања, епидемиолошките податоци, но и препораката на надлежната комисија на епидемиолози.
Плажите во Грција ќе работат под одредени правила и прописи, меѓу кои регистрирање на бројот на посетители; 40 лица на 1.000 метри квадратни; четири метри растојание меѓу чадорите; по две лежалки на секој чадор; растојание од еден и пол метар меѓу лежалките од различни чадори.
Исто така, забранета ќе биде продажбата на алкохолни пијалици, а ќе работат по принципот take away.
На вработените им се препорачува да носат маска, а ќе бидат обврзани да ги дезинфицираат лежалките по секој посетител.
Во Грција се регистрирани вкупно 2.760 позитивни случаи на Ковид-19, а починаа 155 лица.
