Во Австралија во градинките ќе почне да се учи македонски јазик

Од наредната година во градинките во Нов Јужен Велс, Австралија, ќе може да се учи македонскиот јазик, пренесе Матица на иселеници.

Со оваа образовна програма ќе бидат опфатени децата од градинките до возраст од 12 години. Во новата јазична програма покрај македонскиот јазик ќе се учат и јазиците хинди и персискиот, објави телевизија Си-би-ес. Ова е одраз и на лепезата од странски јазици кои се говорат во Нов Јужен Велс, но и ширум Австралија.

Од тие причини се размислува и за воведување учење втор јазик во образовниот систем во Нов Јужен Велс.