Војвотката од Кембриџ на крштевката на своето трето дете изгледаше фантастично во преубавиот фустан од Александер Меквин

Војвотката од Кембриџ Кејт Мидлтон на крштевката на своето трето дете принцот Луис дојде во фустан од Александер Меквин, бренд кој што го носеше и на претходните две крштевки на своите деца.

Белиот фустан го комбинираше со елегантни високи потпетици во крем нијанса, а на главата носеше украс со малку посмел дизајн од британската дизајнерка Џејн Тејлор. Косата и беше врзана во елегантна пунџа, а најмногу внимание привлекуваше токму со широката лента украсена со бели раскошни цветови на нејзината глава како и со преубавите обетки од бисери поредени во форма на цвет.

Но покрај модните додатоци Кејт Мидлтон го пленеше вниманието и со својата ведра и широка насмевка додека го носеше малиот Луис.