Војвотката од Кембриџ боледува од тешка болест?
Во Британија многумина се загрижени за нејзиното здравје
И додека едни се воодушевени од тоа како изгледаше во виолетовиот капут со „А“ крој, многумина забележаа дека нивната омилена војвотка, Кејт Мидлтон, е претерано слаба. И тоа беше сосем доволно на социјалните мрежи да се поведе дискусија за причината на нејзиниот нов изглед.
Капутот што ја следеше нејзината витка линија, а потоа, во долниот дел, се шири во форма на буквата „А“, кој Кејт го носеше со црни хулахопки, дополнително ја истакна нејзината тенка фигура. Поради ваквиот изглед на социјалните мрежи почнаа да се шират претпоставки од што би можела да боледува сопругата на принцот Вилијам па олку нагло ослабнала, а досега никој не се огласи од кралската палата за да ги демантира ваквите гласини.
Но не треба да заборавиме дека убавата војвотка е голема љубителка на спортови, па својата витка линија ја одржува со тренинзи и различни активности.
Таа зад себе има и три деца, за кои постојано се грижи, а и за време на своите бремености изгледаше слабо, но тогаш медиумите тоа го препишуваат на стресот поради кралските должности.
