Викендичка која можете да ја подигнете на било кое место за само 8 часа – на интернет можете да ја најдете за само 6550 долари (фото)
Оваа монтажна куќа може да се монтира на која било рамна и стабилна површина, се протега на 16 квадратни метри, а целокупната конструкција тежи 1125 кг.
Монтажа куќа Solvalla Allwood
На интернет страната на Амазон навистина можете да купите од пиле млеко. Неодамна, големо внимание на потрошувачите од целиот свет предизвика монтажната куќа „Solvalla“ од компанијата „Allwood“, која целосно е изработена од висококвалитетно нордиско дрво.
Производителите имаат подготвено детални, но едноставни инструкции за монтажа па така и двајца возрасни со минимален алат можат да ја „подигнат” за само осум часа. Куќата е со безвременски дизајн и може да се постави на која било рамна и стабилна површина – од ливада до покрив од зграда, што исто така важи за голема предност.
Функционира одлично во различни средини и за различни прилики – може да „глуми” куќа за гости, канцеларија, викендичка или простор за изнајмување.
Се протега на 16 квадратни метри, а целата конструкција тежи 1125 килограми.
На Амазон во моментов ја нема на залиха, но може да се купи преку веб-страницата на производителот по цена од 6550 долари или околу 350 000 денари.
.
