(ВИДЕО) ХОРОР ВО ЗАБАВЕН ПАРК: Луѓето висеа наопаку на 30 метри, се активираа пожарникари за да ги спасат
Пожарникари биле ангажирани за да спасат 28 лица кои биле заглавени висејќи 30 метри наопаку за време на возењето во забавен парк во Орегон, Соединетите Aмерикански Држави.
Едно лице е однесено во болница како мерка на претпазливост, се вели во соопштението објавено на социјалните мрежи од забавниот парк Оукс во Портланд.
Маркетинг
Сепак, рекоа дека во инцидентот нема повредени.
Еден господин вели дека тој и неговата сопруга, кои биле во паркот за неговиот роденден, требало да одат на возење – што работи како нишало, со способност целосно да ги превртува учесниците наопаку – кога виделе дека се заглавува. Слушнал како луѓето велат: „О Боже, тие висат наопаку“. По ова решиле да заминат поради „страшна ситуација“.На крајот се одлучиле за панорамското тркало и од разглас ја слушнале најавата дека паркот е затворен и дека луѓето треба да се евакуираат.
Кога возењето престанало, вработените во паркот веднаш повикале брза помош, која пристигнала околу 25 минути подоцна. Работниците за одржување потоа можеле да го вратат нишалото на позицијата за евакуација неколку минути подоцна, се вели во соопштението на паркот.
