ВИДЕО Младоженецот избега од свадбата, но тука не беше крајот: Потегот на свекорот запрепасти многумина!
Она што требаше да биде најсреќниот ден во животот на една Индонезијка се претвори во вистинска ноќна мора.
Локалните медиуми јавуваат дека младоженецот исчезнал на денот на венчавката, оставајќи ги во неверување неговата несудена сопруга, семејството и гостите. Сепак, следеше неверојатен пресврт.
Девојка од селото Џикотамо долго време се забавувала со момче, па одлучено е нивната љубов да ја крунисаат со свадба.
На радосниот ден, 29 август, таа сепак остана сама пред олтарот.
„Гостите веќе беа пристигнати кога семејството не извести дека младоженецот побегнал“, изјави за медиумите братот на невестата Висто Ахмад.
Тогаш на сцена стапува свекорот кој ја оженил девојката(!), а на социјалните мрежи се појави и видеото од бизарната церемонија.
Иако семејствата на невестата и младоженецот беа револтирани, потрошените пари беа дополнителна грижа. Очигледно откажување на венчавката не доаѓало во предвид, пренесува Oddity Central.
Реакциите на интернет корисниците се поделени. Некои се жалеле за судбината на девојчето, а други се пошегувале за необичната ситуација.
„Жената на татко ми е мојата поранешна девојка“, напиша еден маж, додека друг критички додаде: „Твојата ќерка ќе биде заробена во брак со маж што не го сака до крајот на животот“.
