Вака брутално треба и кај нас – Погледнете што им прави полицијата во Естонија на несовесните возачи што возат пребрзо

Естонската сообраќајна полиција се надева дека ќе го намали бројот на возачите што возат пребрзо така што ќе им делат картички за донирање органи.

Естонија има богата мрежа на камери за мерење на брзини на своите патишта па според статистиката е на самиот врв во Европа според пребрзо возење. Годишно поради тоа се казнуваат околу 12 до 15 отсто од сите возачи.

„Не очекуваме дека оваа кампања ќе го зголеми бројот на донирани органи, но секако се надеваме дека возачите ќе ги натера да размислат и да ја тргнат ногата од папучата за гас“, вели Андрес Синимери, шефот на сообраќајната полиција од естонскиот град Парнуа.

„Доаѓа зимото и патиштата стануваат лизгави, па во такви услови брзината убива“, вели тој. Од друга страна и возачите се убедени дека со оваа кампања барем некои од нив ќе станат посвесни во што се впуштаат поради нивното пребрзо возење. „Тоа е добра идеја“, признава Имре Аја кој само еден момент претходно беше уловен како ја пречекорува дозволената брзина со својот автомобил.