Важи за најдобриот проект од поранешна Југославија – пред 35 години беше емитувана првата епизода на Надреалистите
Првата епизода од „Топ листа надреалиста“ беше емитувана пред 35 години, а нивните скечови се популарни и денес.
Иако поминаа 28 години од снимањето на последната епизода, скечовите од серијата и денес се популарнии можете да ги најдете на социјалните мрежи. Серијата денес важи за еден од најдобрите телевизиски проекти во поранешна Југославија, а се прикажуваше од 1984 до 1991 година. Првата телевизиска епизода беше емитувана на 8 јуни 1984 година.
Втората сезона ќе биде снимена дури по четири години, а токму таа ќе допринесе ТЛН да добие култен статус во цела Југославија. Нивните скечови и сатира беа толку гледани што се изедначија со популарноста на Дневник.
Третиот дел е снимен пред почетокот на војната, во 1991 година. Специјалната епизода за Новата 1992 година беше последната која Надреалистите ја снимаа заедно. Кога ќе започне војната во Босна, Неле заминува во Белград, Џуро во Словенија, Зенит остана во Сараево и за време на војната снимаше „Топ листа надреалиста“ која беше популарна во Босна и Херцеговина.
Двајца од членовите во „Топ листа надреалиста“ повеќе не се живи. Дражен Ричл го изгуби животот во тешка сообраќајна несреќа во 1986 година, а Давор Дујмовиќ во 1999 година ќе си го одземе животот.
