Боки 13 и 1ТВ ќе го платат лекувањето на малата Софија која боледува од тумор
Големо БРАВО за овој хуман гест на Боки и неговата компанија
Бојан Јовановски попознат како Боки 13 на Фејсбук сподели дека заедно со неговата компанија БМЈ Медиагруп и 1 ТВ се вклучуваат во хуманитарната акција за лекување на малата Софија Караманолева. „Сакам да соопштам дека нашата компанија ќе се откаже од месечните комерцијални надоместоци од споменатиот клиент во висина од 28.000 евра, потребен износ за операцијата на малата Софија“, напиша Бојан Јовановски на социјалните мрежи и додаде дека мајката на Софија уште од утре може да го контактира менаџментот на 1ТВ за сите потребни и финални детали.
Инаку, Малата Софија Караманолева, која има само 22 месеци, има дијагноза тумор на р’бетниот мозок и на нејзините родители итно и се потребни 28 илјади евра како би можела да оди на операција во Турција.
