Боки 13 задржан на интензивна во „8-ми Септември“
Боки 13 од вчера e задржан на интензивна нега во болницата 8-ми септември, ексклузивно дознава Канал 5.
Бојан Јовановски, ноќта ја поминал под лекарски надзор откако претходно докторот во притворот побарал од судот тој да биде пренесен во болница.Информацијата дека Бојан Јовановски е заджан во ГОБ 8-ми септември ја потврдија и од затворот во Шутка и неговиот адвокат Сашко Дуковски.
Само да потсетиме, Боки од 15 јули се наоѓа во притвор, и за овој период неколку пати е носен на клиника во Скопје, а според претходно објавените информации, проблемите ги има бидејќи неодамна направил операција за подврзување на желудникот заради намалување на тежината.
Кривичниот суд на Јовановски во петокот на 13 септември по втор пат му го продолжи притворот во кој се наоѓа со уште двајца осомничени од „Рекет“ – Зоран Милевски викан Кичеец и специјалната обвинителка Катица Јанева.
