Боба Живојиновиќ за прв пат прозборе за средбите со принцезата Дијана: “Беше нежна и природна”
Сопругот на Лепа Брена, Слободан Боба Живојиновиќ е поранешен српски тенисер кој се натпреварувал за СФР Југославија.
Тој заедно со Ненад Зимоњиќ се единствените српски тенисери кои биле рангирани на првото место на АТП листата во конкуренција на двојки. Во поединечна конкуренција, тој стигнал до полуфиналето на Отвореното првенство на Австралија во 1985 година и до полуфиналето на Вимблдон во 1986 година, а негов најдобар пласман во кариерата во поединечна конкуреција било 19. место на АТП листата.
Боба важел за голем шармер во тоа време, па од него била фасцинирана дури и принцезата Дијана која се запознала со него за време на неговата тениска кариера.
Слободан Боба Живојиновиќ, поранешен тенисер и сопруг на Лепа Брена, се присети на средбата со покојната принцеза Дијана.
“Една недела пред Вимблдон во 1987 година, се одржа хуманитарен натпревар под нејзино покровителство. Јас бев еден од учесниците, заедно со уште неколку познати тенисери, и тогаш ја запознав Лејди Дијана. Во првиот разговор таа ме праша дали јас сум тој тенисер кој има најсилен сервис. Доби потврден одговор. Следната година се одржа и егзибициски меч, па таа пак дојде. И пак ме праша дали мојот сервис е сеуште добар. Тогаш почнавме да се дружиме и се гледавме. Бевме блиски“, рече Живојиновиќ во една прилика а одговори и на шпекулациите дека му се допаѓала Лејди Ди:
„Не сакам да зборувам за тоа сега бидејќи таа повеќе не е со нас. Голема работа е кога ќе дојдеш на натпревар да те бодри некој како неа затоа што не се случило некој од кралското семејство да навива за тебе од трибините“.
“Таа навиваше за мене. Ми беше исклучително драго што таква жена ме поддржуваше. Го сакаше начинот на кој играв и се однесував на теренот и се што одеше со тоа. Дијана беше прекрасна личност со која можев да зборувам за обични работи. Нејзината големина беше во таа нормална комуникација. Бев изненаден колку е природна жена. Ми беше чест што ја познавав. Нашите долги разговори се состоеја од приказни за секојдневните работи и нашите деца. Филип е иста возраст како нејзиниот помал син Хари, така што тие беа главно теми за разговори“.
„Ми беше голема чест што дојде и ме гледаше, навиваше за мене на Вимблдон кога играв против Џими Конорс. Пред тоа се запознавме на хуманитарна изложба. И покрај тоа што нејзиното семејство имаше ложа, таа навиваше од трибините, но тоа не беше невообичаено бидејќи тоа го направија многу познати личности. Медиумите, особено англиските медиуми, направија нешто повеќе од тоа. Малку ми е непријатно што и после толку години повторно се актуелизира таа приказна, а не може ни да се каже дека сме се дружеле“,рече Живојиновиќ за „Блиц“.
Боба кажа и каква жена била принцезата Дијана…
„Природна, нежна, нормална. Разговаравме околу еден час, таму беа мојата тогашна сопруга Зорица и синот Филип, кој имаше три години. Постојано велеше: ти не си принцеза. Тоа беше симпатично затоа што претпоставувам дека како дете на таа возраст ги замислувал принцезите поинаку. Разговаравме за децата, Филип и вообичаените теми. Подоцна поинаку беше објавено во медиумите, со моја изјава која никогаш не ја дадов, рече Боба.
