Производството на Нутела во фабриката во северна Франција, која е најголема во светот, е блокирано една недела поради барањата на работниците за повисоки плати, објавија синдикалните претставници.
Во италијанската фабрика „Фереро” 600.000 Нутела тегли се произведуваат дневно, што претставува една четвртина од вкупното производство на овој крем.
Пред една недела, 160 работници во фабриката во северна Франција започнаа штрајк, рече Фабрис Канчел од синдикатот „Универиер” (ФО). „Ниту еден камион не влезе во фабриката и не замина”, додаде Канчел.
Работниците бараат зголемување на платите од 4,5 отсто и бонус од 900 евра. Администрацијата понуди само 0,4 проценти повисока плата.
Претставниците на компанијата не сакаат да коментираат за штрајкот, а администрацијата беше со внатрешна порака до која АФП доби увид дека “блокадата на пристапот на фабриката е сосема нелегална”. Тие, исто така, се пожалија дека ќе побараат од судот да нареди пристап до фабриката.
„Тоа е неприфатливо кршење на правото на штрајк”, одговори претставникот на синдикатот.
Производството на Нутела е обележано со бројни проблеми во последниве години, делумно поради жетвата на лешниците во Турција, најголемиот извозник во светот.
Фабриката во Италија беше затворена пет дена во февруари поради проблеми со квалитетот, а во 2015 тогаш францускиот министер за заштита на животната средина, Сеголен Ројал, му рече на Французите да не јадат Нутела, бидејќи нејзината потрошувачка придонесува за уништување на шумите и за климатските промени на Земјата.
