Маријана Новачевска, сестрата близначка на Росана Сариќ – Тодоровска по цели две години се врати во Македонија.
Поранешната пејачка со своето семејство живее во Австралија, а последен пат беше на гости во Македонија на свадбата на ќерката на Росана, Ивана.
Ивана е ќерка на Росана и актерот Ѓорѓи Тодоровски и со својот сопруг Џејмс утре ќе го прослават првиот роденден на нивниот син Ноа.
Сестрата на Маријана, Росана, со која некогаш ги пееја хитовите „Признавам“ и „Едно срце имам душо“ ја пречека на аеродромот, а откако пристигна, Маријана на својот профил Фејсбук сподели емотивна порака по која следуваа бројни лајкови и коментари од нејзините пријатели.
Маријана на аедромот во Скопје
„Мили мои пријатели. Македонци, душички… Не можам а да Не ви се заблагодарам на сите важи искрени желби и добредојде… Постои нешто што сите нас не прави тоа што сме… Љубов… Нека истата цвета и опстанува во вашите души и вашите срца… Од срце ви благодарам и ви посакувам насмевки на вашите лице… Ваша Маријана, ништо повеќе од сите вас.“
Инаку, Маријана во Австралија работи како стоматолог и има две деца – ќерката Магдалена и синот Филип.
