Благоја Грујовски се борел за живот поради КОРОНАВИРУСОТ: „Ме покоси, примив МНОГУ ЛЕКАРСТВА“
Пандемијата коронавирус зазема сѐ поголем замав на светски рамки. Веќе секој од нас се навикна и на новото нормално. Носиме заштитни маски, одржуваме дистацна од најмалку 2 метри. Но, вирусот се шири и не бира возраст.
Докторите велат дека сѐ повеќе млади луѓе доаѓаат во болница со тешки клинички слики предизвикани од вирусот.
Македонскиот фолк-пејач Благоја Грујовски бил еден од оние кои го прележале вирусот Ковид 19. Но, како што сподели со јавноста, вирусот воопшто не е наивен и едвај се изборил за својот живот.
„Пред десет дена заврши моето болничко лекување од корона вирус и се вратив дома. За искуството, што да ви кажам, мора да се разбие таа фама дека има правила, дека младите и здрави луѓе лесно го пребродуваат, а на удар се само старите и болните. Од сопствено искуство и од она што го видов на клиника, стереотипот не важи за вирусот“, откри пејачот за „Фокус“.
Пејачот откри дека сега се чувствув многу подобро, но дека ќе му треба време за да се врати на старо, затоа што болеста си го направила своето.
„Многу лекарства примив, бев хоспитализиран првин на одделение во Осми Септември, а потоа и на клиниката Аџибадем Систина, бидејќи мојата состојба беше крајно сериозна.
Целиот живот сум бил здрав како дрен, не верував дека вирусот може така да ме покоси… Од друга страна пак, мојата мајка која има 82 години, која е со хронично срцево заболување, помина со лесно. Поради годините, би рекол, таа едвај стоеше на нозе, јас одев да ја негувам пред да се инфицираме. Но, за среќа, нејзините симптоми беа лесни. Не знам дали е тоа бидејќи таа целиот живот беше здрава, дури и сега на овие години има добра крвна слика, кој би можел да каже? Поентата ми е дека мора да се разбие фамата, дека ако си млад, лесно ќе заздравиш. Нема тука правила“, кажа Грујовски.
Тој истакна дека во болницата имало хоспитализирано и помлади од него и апелираше до сите граѓаните максимално да се заштитат и да се чуваат себеси и своите семејства.
Пејачот инаку е активен и на социјалните мрежи, каде често споделува фотографии и од приватноста.
Тој веќе долго години плови во среќен брак со својата сопруга Ирена, за која можеби малкумина знаат дека е 20 години помлада од него. Ирена и Благоја го имаат и синот Марко.
Ова е втор брак за пејачот. Тој претходно беше оженет со презентерката Татајана Стојановска со која го има синот Матеј.
И покрај разводот пред повеќе од една деценија, тие останаа во добри односи, комуникација и пријателски расположени еден кон друг.
Она што најмногу ги врзува е нивниот син, кој порасна во прекрасно момче.
Ретки се оние кои знаат дека Благоја иако е пејач, по професија е новинар.
Тој е син на познат автор и истакна музички деец Мате Грујовски, а воедно е и претседател на Здружението на естрадни уметници на Македонија.
Она на што можат да му позавидат и жените е физичкиот изглед. За Благоја како времето да запрело. Тој изгледа идентично како и на почетокот на кариерата, изгледа како воопшто да не старее.
А, како што самиот изјави во интервју за Свет Австралија, тајната за неговиот изглед се крие во умереноста.
„Умереност, во секоја смисла. Во исхрана, физичка активност, во пороци, во забава и комуникација, во мислење и емоции, однесување, амбиции и очекувања“, изјави тој.
Што се однесува до тоа дали неговата сопруга е љубоморна што постојано е во друштво на убави девојки тој вели дека има убав соживот со своите колеги и колешки кои ги доживува како браќа и сестри, па неговата сопруга не е љубоморна и добро ја разбира професијата што ја работи.