Познатата актерка повторно во центарот на вниманието
Но овој пат не е поради некоја нова филмска улога, туку заради една неочекувана романса за која пишуваат медиумите. Имано, американскиот таблоид „Woman’s Day“ пишува дека Анџелина Џоли (44) е во романтична врска со својата 12 години помлада колешка Еван Рејчел Вуд (32)
И покрај тоа што холивудската дива досега била во неколку бракови со познати мажи од филмската индустрија, според овој магазин решила да сврти нова страница во животот, а на своите пријатели по разводот од актерот Бред Пит им кажала дека завршила со машкиот род.
„Магнетската привлечност меѓу актерките се случи пред десетина година на еден настан на кој и двете убавици беа во друштво со своите посилни половини, па така Анџелина била со Бред, додека Еван со пејачот Мерилин Менсон“, открива анонимниот извор за овој магазин.
Според истиот извор во прашање е љубов на прв поглед, но бидејќи тогаш и двете биле во среќни врски своите емоции морале да ги потиснат, но на крај судбината сепак ги споила и конечно можат да уживаат заедно.
Но и покрај бомбастичниот наслов на овој таблоид, досега ниту една од актерките не се огласи за овие гласини па затоа не е познато колку вистина има во нивната приказна.
