Анета од „Молика“ објави тажна фотографија од која на МНОГУМИНА ИМ СЕ НАСОЛЗИЈА ОЧИТЕ (фото)

Познатата пејачка се присети на својот колега

Познатата фолк-пејачка Анета Љумаковска објави стара фотографија на која е со својот колега, музичарот Милан Завков.

Милан почина ненадејно во февруари 2023, на 61 годишна возраст, а фотографијата што Анета ја објави е од 2018 година, направена за време на снимање на една од нивните заеднички емисии.

Милан Завков беше врвен инструменталист и композитор, виртуоз на својот инструмент, првенец на Националниот ансамбл „Танец“ и долгогодишен раководител на оркестарот.

Фото: Инстаграм/ Анета Љумаковска

На хармоника почнува да свири на 8-годишн возраст, а кога требало да се запише на Музичката академија не постоеле студии по хармоника Завков се определува за неговиот втор инструмент, контрабасот и со успех дипломира на одделот за гудачки инструменти.

Но, и покрај тоа што ќе дипломира на контрабас, Завков ја продолжува кариерата на својот прв и единствен избор – хармониката и остварува неверојатно богата изведувачка, но и творечка кариера. Во 1970 година, со популарниот ‘Октет Македонија’ ја снима својата прва плоча, а во својата четиридецениска кариера на полето на народната музика, самостојно, во различни соработки, како и со познатата група „Македонски мерак“ остварува врвни музички интерпретации и значаен опус на композиции и аранжмани за бројни познати изведувачи од нашата земја кои и денес се хитови.

Фото: Принтскрин

Тој е автор на голем број песни, изведувани од страна на бројни познати пејачи како: Виолета Томовска, Гоце Арнаудов, Ефто Пупиновски, Благица Павловска, Анета Мицевска, Ленче Кукиќ и Горан Кукиќ, и музичките групи Група Маестро и Група Академци.

Фото: Фејбсбук/ Танец

Маестро Милан Завков почина на 6 февруари 2023 г. од срцев удар, а веста за неговата ненадејна смрт предизвика вистински шок и неверување посебно од причина што музичарот бепе исклучително активен и ангажиран како музичар и раководител на оркестарот во Танец до последниот ден од својот живот.

Фото: Фејбсбук/ Танец

Фотографијата што Анета ја објави ги потсети сите на нивниот драг колега со кого поминале многу заеднички моменти.

Фото: Инстаграм/ Анета Љумаковска

Пејачката на групата „Молика“ на овој начин покажа дека радо се сеќава на познатиот хармоникаш и дека нема никогаш да го заборави.

Фото: Фејбсбук/ Танец

Тој ќе остане запаметен по неговите бројни песни кои се уште насекаде радо се пеат и кои оставиле длабока трага во нашата музика.

Некои од нив слушнете во продолжение…