Ертан Шабан е роден во Скопје и е дипломиран актер.
Долги години има настапувано во театарски престави во Македонија, а во некои од нив игра и со брат му Ерман Шабан.
Ертан потоа ќе замине да работи во Франција, а од таму во Турција каде ќе почне да ја гради својата кариера.
За кратко време ќе се појавени во повеќе познати телевизиски серии и филмови, а моментално е актуелен со новата серија „Gelsin Hayat Bildigi Gibi“ (Нека дојде животот) каде заедно со убавата турска актерка Деврим Озкан ги толкуваат главните улоги. Тој во оваа серија која моментално е една од најгледаните во Турција, го глуми ликот на Сади Пајасли кој се истакна повеќе од самата серија.
Инаку, Ертан во 2016 година се ожени со убавата турска актерка Ебру Озкан Шабан која на македонската публика им е позната по улогите во многу серии што се емитуваат на македонските телевизии, односно како Дилара од „Парампарче“ или богатата Халиде од „Имотот на дамата“. Круна на нивната љубов е нивната ќерка Биричик, чие име во превод од турски значи Единствена.
Тие се заколнаа на вечна љубов во јуни 2016 година, а на нивната свадба во близина на Истанбул присуствуваа многу познати гости.
Ебру тогаш блескаше во кусата венчаница со тантела и воопшто не ја криеше среќата што влегува во брачните води.
Како познатиот пар изгледаше тогаш, погледнете во продолжение:
И додека на Ебру ова и е прв брак, нејзиниот партнер Ертан по втор пат запловува во брачните води. Имено, неговата прва сопруга Инџи ќе го изгуби животот од леукемија. Таа ќе почине седум години пред тој да се ожени со Ебру, односно во 2009 година, на 25 годишна возраст.
Ертан за целото време додека таа се лечеше беше покрај неа, а закопана е во Белгија каде и што почина.
На Ертан му требаше долго време да закрепне по големата загуба, а конечно ќе се смири кога ќе ја сретне турската ѕвезда.
Фото: Инстаграм
Фото: Инстаграм
Фото: Инстаграм
Фото: Промо
Фото: Промо
Фото: Инстаграм
Фото: Инстаграм
Фото: Промо
Фото: Промо
Фото: Промо
Фото: Промо
.
