Ти, прекрасна жено – убавата водителка Ирена Спировска ги „запали“ социјалните мрежи: Е ова е фустан од милион долари!
Совршен моден предлог што ни пристигна од Ирена Спировска
Нашата харизматична водителка знае да го избере вистинскиот фустан со кој ќе блесне и во истиот момент ќе не освои сите.
Водителката не ретко можеме да ја видиме во елегантни и модерни комбинации, а ова дефинитивно е една од најубавите. Таа овој пат изгледаше толку неодоливо и толку заводливо што никој не можеше да остане рамнодушен.
Ирена на социјалните мрежи објави неколку фотографии на кои носи преубава црвена тоалета. Таа оваа прекрасна креација ја носеше како водителка на музичкиот фестивал „Фолк Фест Роса 2020“, а како изгледаше можете да видите од галеријата што следува во продолжение.
Спировска за настанот одлучи да носи црвен фустан со кој го истакна нејзиното тело на кое многу познати дами можат само да и завидуваат.
Креацијата во горниот дел е направена од романтични црвени карнери кои стојат прицврстени за транспарентен материјал со што фустанот визуелно остава впечаток дека е со отворени, голи раменици, додека во долниот дел, од ременот надолу, полека се шири и лежерно паѓа на подот.
Ирена фустанот го носеше со нејзината препознатлива насмевка зачинета со кармин во слична нијанса со фустанот и обетки кои совршено се вклопија со ременот.
Интересна беше и нејзината фризура – нејзината преубава виткана коса беше врзана во задниот дел, а на лицето имаше суптилна шминка.
Фотографиите за кратко време добија голем број лајкови, а многумина и порачаа дека изгледа прекрасно.
„Најубавата жена во Македонија, дефинитивно!“, „Преубава си Ирена“ и порачаа фановите.
Во продолжение погледнете уште неколку преубави модни изданија на нашата позната водителка.
Па, дали ви се допаѓа стилот на оваа дама?
