Тајна која Вики Миљковиќ ја криеше со години: Беше понижена од еден музичар, а од тогаш сѐ се промени
Вики Миљковиќ раскажа еден детаљ од почетокот на својата кариера, кога не и одело сѐ како подмачкано.Вики Миљковиќ раскажа еден детаљ од почетокот на својата кариера, кога не и одело сѐ како подмачкано.
Имено, неа познатиот композитор Драган Александриќ ја советувал да го остави микрофонот, зошто како што тврдел нема дарба за пеење. Ѝ предложил да заврши училиште, да се омажи и да биде подалеку од естрадата зошто во музичката професија не ја чека успех.
– Драган Александриќ процени дека не сум талентирана и на мојот татко му рече дека треба да завршам училиште и да се омажам, а од пејачката кариера нема ништо. Тогаш мене сите бродови ми потонаа. Можеби тој не ме слушал внимателно зошто беше премногу зафатен, а можеби и јас не бев доволно зрела, бев дете. Татко ми ми рече дека тоа е завршена приказна. Сепак, не се откажав и после година и пол дена го убедив да ѝ се обратиме на Марина Туцаковиќ, која го препозна мојот талент. Успеав да завршам училиште и да се омажам, така да од таа страна Александриќ беше во право, рече Вики кога гостуваше на Гранд Телевизија.
Александриќ сега вели дека погрешил во проценката и дека има само пофални зборови за Вики и успехот кој го постигна, и наведува дека таа и нејзиниот сопруг Драган Ташковиќ Ташке се одличен тандем.
– Можно е дека тогаш не сум обрнал внимание, не знам. Ја советував да продолжи со училиштето, да заврши факултет, што и го направи. Но во пеењето направи одлична работа. Таа и Ташке се супер тандем, тој е прекрасно момче, рече Драган Александриќ и откри дека братот на Вики, Владица е негов ученик.
– Јас го учев нејзиниот брат Владица да свири хармоника, два пати неделно татко му го носеше од Ниш кај мене на часови. Нивните родители Свето и Зораца многу се бореа, и секоја чест за нив, направија успешни луѓе од Вики и Владица.
