Таа е една од нашите најубави водителки, а тој е најважната личност во нејзиниот живот – Елена покажа кој и го чува грбот!
Водителката покажа кој ѝ го чува грбот.
Македонската водителка Елена Стојановска важи за една од најубавите жени на македонската јавна сцена.
Елена плени со својата убавина, шарм, одмереност и дамско однесување.
Нејзиниот лик го гледаме скоро секој ден на утринската програма на фрекфенцијата на Сител телевизија.
Секогаш средена од глава до пети, Елена особено внимава на физичкиот изглед.
Водителката никогаш не можете да ја видите во лошо издание, а она што го работи изгледа како да го прави со леснотија.
Таа е и една од ретките кои внимаваат на литературниот изговор и нагласок.
Освен што неуморно работи, таа е активна и на социјалните мрежи, па често споделува со своите фанови како изгледа нејзиниот работен ден.
Водителката често споделува и фотографии од своето семејство.
Таа во интервју за Гламур кажа дека нејзиното семејство ја прави среќна и ѝ го разубавува секој ден, но и дека големо задоволство ѝ претставуваат патувањата.
„Успешно реализирана емисија е дел од професионалната радост и задоволство. Но, приватно среќна ме прави моето семејство што мислам дека е идентично за сите нас. Многу сакам дружби со другарките и јас не кријам дека другарствата многу ги негувам. Конечно, голема среќа за мене е и кога патувам некаде, тоа ни е заедничка страст со мојата љубов“, вели водителката.
Водителката често знае да сподели и емотивни фотографии и статуси посветени на нејзиниот сопруг.
Таа е емотивно исполнета жена и за жал на многу мажи кои би сакале да е соло, таа ужива во љубовта со својот Огнен.
Елена и Огнен стапија во брак во 2010 година, а таа на Инстаграм сподели фотографија од нивната свадба.
„Таа одбра да биде мноооогу среќна, а тој одбра да му биде интересно цел живот“, стои во опис на фотографијата.
Познатата водителка и на социјалните мрежи не крие колку е вљубена во својот партнер, а во една пригода објави негова фотографија на својот профил на Инстаграм и го пофали дека е „убав како турски глумец“.
„Ахх, она кога маж ти е убав како турски глумец“ – му поласка шармантната водителка тогаш на својот сопруг на шега.
Плод на нивната љубов е ќерката Илина, со која водителката се труди да има другарски однос.
„Се опуштам со мојата Илина. Таа расте толку брзо и со неа се смеам вистински и од срце. Таа ми е ќерка, но во исто време си градиме и многу интересен другарски однос. Омилениот афтер ворк ми е кога спокојно со неа си го пијам попладневното кафе и ги откривам нејзините размислувања за нештата. Искрено, јас многу работи учам од нејзината мала, умна, убава главичка“, кажа Елена за Гламур.
Водителката сега сподели фотографија од неа и нејзиниот сопруг направена додека се возат лифт и покажа дека тој секогаш ѝ го чува грбот.
„Некои луѓе воопшто не сакаат селфи во лифт“, напиша водителката во опис.
