Се славеше во домот на Орце и Дракче Стевковски: Водителката објави досега невидена фотографија и напиша емотивна порака

Драгица и Орце Стевковски важат за еден од најскладните парови на македонската јавна сцена.

Тие се веќе долги години во брак и се вистински пример како љубовта може да ги помине сите бариери.
Драгица или како што народот милува да си ја нарекува Дракче е позната водителка и нумеролог. Народот ја знае по нејзината емисија „Патот на светлината“, во која таа им ги толкуваше соништата на своите гледачи.

Орце е популарен пејач на патриотски песни, кој зад себе има оставено ризница хитови, кои ги знаат и пеат и помладите генерации.

„Убава Калина“, „Царот Неготински“, „ Пукнала мајко треснала“, „Глас се слуша, плач и лелек“ , „Се заљубив на стари години“, како и познатата песна „Од кај дојдовте“, се песните кои кај секој Македонец будат убави чувства.
Дракче и Орце се 37 години во брак. Плод на нивната љубов се нивните две ќерки Ангелина и Александра, а најголема радост им се петте внучиња: Јана, Андреј, Марко, Ема и Алек.

Својот спокој го наоѓаат во нивниот дом во селото Ржаничино, Петровец во Скопје.

Во едно свое интервју таа истакна дека за да се зачува еден брак потребно е многу разбирање и правење отстапки.
И покрај тоа што живееме во земја каде секој сака да дознае што се случува кај соседот, Дракче смета дека клучот за хармонијата во домот е во тоа да се слуша само мислењето на блиските.

Орце и Дракче се доста активни и на социјалните мрежи.

Пејачот почесто споделува и снимки од своите настапи.

На 4 мај, на годишнината од смртта на македонскиот револуционер Гоце Делчев тој ја сподели својата песна „Глас се слуша, плач и лелек“, која ја сними во чест на гоце Делчев. Орце под објавата напиша: Во чест и вечна слаба на великанот Гоце Делчев.

Деновиве во нивниот дом имаше голема причина за славење.

Имено, Дракче и Орце славеа годишнина од брак.

Водителката на својот Фејсбук профил сподели никога досега видени фотографии.

Една од фотографиите е и од денот на нивната свадбена церемонија. Мора да се признае дека и пејачот и водителката не се имаат многу променето и се уште ги имаат фризурите по кои се препознатливи.

„18 мај 1984, судбоносно ДА… И сега Заедно“, напиша Дракче во опис на фотографиите.

Во интервју за Свет-Австралија, Дракче откри дека таа и Орце се запознале во автобус, кога таа имала 19 години, а тој 23. Вели тоа било љубов на прв поглед. Четири дена после нејзината матура таа му кажала и официјално „да“ на Орце.

Освен што е водителка, таа е и нумеролог. За едно списание таа изработуваше и дневен хороскоп, но и нумерлошки карти на познатите личности. Вели дека предвидела дека пејачот Влатко Илиевски ќе ја претставува Македонија на песна за Евровизија, но и дека Ѓорѓе Иванов ќе стане претседател.

„Во тажните моменти.. да се потсетиме и на убавите моменти… Во едно убаво време кога јас работев во тогаш најгледаната и најпопуларна телевизија А1 освен тв .програмите имавме и многу читани весници и списанија мегу кои беше таблоидот КРЕМА и списанието ЛАНОВА за кое ги изработував дневните хороскопи и нумеролошките карти за познатите личности..

Во тоа време имав изјава за КРЕМА дека ВЛАТКО ИЛИЕВСКИ ке биде нашиот преставник на Евровизија..а претседател ГОРГИ ИВАНОВ….. ИМ беше чудно на новинарите од каде таа моја изјава и кои се личностите..но потоа се случија и двете работи..подоцна самиот Влатко сакаше нумеролошка карта и по негова зелба и по желба на уредникот многу познатиот ЗОРАН ВАСИЛЕВСКИ ФАЦИ го направивме и тоа ..подоцна следуваа и други..

ВЛАТЧЕ беше момце со една таква насмевка на шармер а во исто време и на дете ..со отворени оци слушаше се што казував за него…музика ..песни ..театар ..светла..тоа му беше животното мото..

Бог да му ги отвори рајските порти..и нека му даде мир… Приложувам едно зачувано списание Крема.од 2011 г ..доколку Зоран Фаци има во архив нека ги приложи и другите…Зборувајте за мртвите за да живеат со нас“, напиша Дракче на Фејсбук.

Таа откри и каква ќе биде оваа 2021 година.

„2021 ќе биде година на искушенија, но и година со успеси на некои полиња. Бидејќи влегуваме во годината како 1.01.2021, тоа вели дека ќе имаме успеси во однос на распознавање и публицитет во светски рамки, преку многу промоции и остварувања на успешни луѓе. Македонија во 2021 година ќе се најде во многу политички превирања, немири, излегувања на улици, негодувања.

Многумина ги интересира економскиот и здравствиот проблем, бидејќи една година поминавме со Ковид и економска криза. Првите четири месеци ќе бидат скоро исти, тешки, макотрпни и со барање енергија плус. Веќе од 5-от месец ќе почнеме да се движиме кон некоја цел. Но, за жал 6 месеци ќе бидат со чувство на вадење како од под урнатини“, кажа Стевовска за „Фокус“.